Gallery

Deskribapena

Jaioterria: Madrid
Seme-alabak: 0
Egoera zibila: Ezkongabea
Lanbidea: Guardia Zibileko tenientea
Atentatuaren data: 26/07/1986
Atentatuaren lekua: Aretxabaleta
Arma: Bestelako lehergailuak
Hiltzailea: ETA

Deskribapena

1986ko uztailaren 26ko 08:00ak inguruan, ETAk Guardia Zibileko Ignacio Mateu Istúriz tenientea eta Adrián González Revilla agentea hil zituen Gipuzkoako Aretxabaleta herrian.

Talde terroristak, goizalde horretan, bonba bat jarri zuen Guardia Zibilak herri horretan duen kuartel-etxetik gertuko zelai batean. Agente biei eman zieten ekintza terroristaren berri, eta zona aztertzera joan ziren, bonba aurkitu eta desaktibatzearren. Bonbaren leherketak, baina, bete-betean harrapatu, eta horrela erail zituzten. González Revilla unean bertan hil zen, eta Mateu tenientea, berriz, Gasteizko Ortiz de Zarate ospitalera zeraman anbulantzian.

Ignacio Mateu ETAk 1978an tiroz hil zuen José Francisco Mateu magistratuaren semea zen. Aitari ez zitzaion askorik gustatu semea Guardia Zibilean sartzea, eta «familian mehatxatu bat izatea nahikoa» zela zion esana , ABC egunkarian jasoaren arabera.

Atentatuaren egunean, Ignacio Mateuk Madrila joan behar zuen hizkuntza-ikastaro bat egiteko, baina ETAren atentatuaren berri izan zuenean, gelditzea erabaki zuen.

Prentsa