Gallery

Deskribapena

Jaioterria: Colombia
Adina: 41
Seme-alabak: 2
Egoera zibila: Ezkonduta
Lanbidea: Villaverde Altoko Las Mercedes jatetxeko sukaldaria
Atentatuaren data: 11/03/2004
Atentatuaren lekua: Madrid
Arma: Bestelako lehergailuak
Hiltzailea: Terrorismo Islamista

Deskribapena

Gloria Inés Bedoyaren seme txikiaren urtebetetzea martxoaren 14an zen. Umea Kolonbian bizi zen bere anaiarekin. 18 urte zituen Gloriaren seme nagusiak. Gurasoak Europara joan ziren eta euren ametsa semeak ere Espainiara etorri zitezela zen. Urte hartako otsailean hasi zen Gloria trena hartzen Villaverde Altora joateko. Jatetxe batean sukaldari bezala lan egiten zuen.

2004ko martxoak 11 osteguna zen. Egun hartan, Madrilen, Al-Qaeda taldeko terroristek 13 lehergailu ipini zituzten Renfe konpainiaren Aldiriak zerbitzua eskaintzen zuten lau trenetan. 7.37tik 7.39ra bitartean, aukeratutako trenak Atocha, El Pozo del Tío Raimundo eta Santa Eugenia geltokietan eta Téllez kalean zeuden. Tarte horretan 13 lehergailuetatik 10-k eztanda egin zuten eta, guztira, 191 pertsona erail zituzten. Gutxi gora-behera beste 1.500 pertsona ere zaurituak suertatu ziren. Espainiako historiako atentaturik latzena izan zen. Egun batzuk geroago, 2004ko apirilak 3an, Poliziako GEO taldeko kideei Leganés udalerriko etxe batera sartzea agindu zieten atentatuaren arduradunak han ezkutatzen omen bait ziren. Terroristek bere buruaz beste egin zuten 20 kiloko lehergailuak eztandaraziz. Hedatze-uhinak GEO baten heriotza eragin zuen eta bera da M-11ko zerrenda luzea ixten duen 192. biktima.

Argazkiak

Audio

Prentsa