Gallery

Deskribapena

Jaioterria: Euskadi
Adina: 62
Seme-alabak: 3
Egoera zibila: Ezkonduta
Lanbidea: Abokatua
Atentatuaren data: 06/02/1996
Atentatuaren lekua: Donostia
Errudunak: José Javier Arizkuren Ruíz, Valentín Lasarte Oliden, Francisco Javier García Gaztelu, Jose Luis Aguirre Lete, Irantzu Gallastegi Sodupe
Arma: Pistola
Hiltzailea: ETA

Deskribapena

Fernando Múgica Herzog gipuzkoar sozialismoaren buruzagi historikoa zen, berrogeita hamarreko azken urteetako klandestinitateaz geroztik. Felipe Gonzálezekin Justiziako ministro izandako Enrique Múgicaren anaia zen. Fernando ETAren jopuntuan zegoen eta, hala eta guztiz, emazteak Euskal Herritik alde egitea eskatu zionean, uko egin zion, esanez ez zuela bere lurra hiltzaileen esku utziko. Bi urte lehenago, 1994an, 1984az geroztik zeraman eskolta kendu zioten, esan ziotenaren arabera ez zegoelako behar beste pertsonalik.

1996ko otsailaren 6an, 13:30 inguruan Donostiako San Martin kalean oinez zihoanean bere bulegotik hurbileko aparkaleku baterantz, ETAko bi pistolari atera zitzaizkion bidera, eta haietako batek tiroa egin zion garondoan, hantxe bertan hilik utziz. José María semea kale berean zegoen eta, detonazioa entzun zuelarik, aita zegoen ingururantz abiatu zen. Terroristek, ihesari emanak jada, biktimaren semea destatu zuten. Múgicak 62 urte zituen, Mapi de las Herasekin zegoen ezkonduta, hiru seme-alabaren aita zen, lau hilabete lehenago aitona bihurtua.

Prentsa