ETAGallery
Deskribapena
Deskribapena
Cristina Mónica Illarramendi bere senargai Agustín Martínezekin eta haren lau lankiderekin Portugaleteko Rancho Chileno jatetxean bazkaltzen ari zela hil zuten. Bazen denbora bat jatetxe berean bazkaltzeko ohitura zutela. Bizkaia komandoko lau terrorista, aurpegia agerian, lokalean sartu, eta zenbait tiro-segida jo zituzten metrailetekin Agustín, haren andregai Cristina eta Polizia Nazionaleko lau agenteak zeuden mahairantz. Agustín eta Cristina hantxe bertan hil ziren, eta beste hiru inspektoreak zaurituta geratu ziren. Geroago, Alfonso Maside Bouzo agentea ere hil egin zen.
Polizietako batek tiro egin zien lurretik etakideei, eta hanka batean zauritu zuen Enrique Letona; horrek, baina, bere lagunekin ihes egitea lortu zuen. Poliziak ehun bat bala-zorro bildu zituen gertaeraren lekuan.
Prentsa
