Gallery

Deskribapena

Jaioterria: Castilla-La Mancha
Adina: 47
Seme-alabak: 2
Egoera zibila: Ezkonduta
Lanbidea: Delineatzailea
Atentatuaren data: 11/03/2004
Atentatuaren lekua: Madrid
Arma: Otros explosivos
Hiltzailea: Terrorismo Islamista

Deskribapena

Balbina Sánchez-Dehesak 47 urte zituen. Vicasa enpresan lan egiten zuen delineatzaile bezala 1975tik. Horregatik, egunero trena hartzen zuen Azuqueca de Henares geltokiraino. 1982tik ezkonduta zegoen eta bi seme-alaba zituen, 19 eta 16 urtekoak. Orgaz herrira maiz joaten zen, ama bisitatzera. Zelaia eta natura maite zituen. Asko gogoko zuen Madrilgo mendilerroan zeukan etxea.

2004ko martxoak 11 osteguna zen. Egun hartan, Madrilen, Al-Qaeda taldeko terroristek 13 lehergailu ipini zituzten Renfe konpainiaren Aldiriak zerbitzua eskaintzen zuten lau trenetan. 7.37tik 7.39ra bitartean, aukeratutako trenak Atocha, El Pozo del Tío Raimundo eta Santa Eugenia geltokietan eta Téllez kalean zeuden. Tarte horretan 13 lehergailuetatik 10-k eztanda egin zuten eta, guztira, 191 pertsona erail zituzten. Gutxi gora-behera beste 1.500 pertsona ere zaurituak suertatu ziren. Espainiako historiako atentaturik latzena izan zen. Egun batzuk geroago, 2004ko apirilak 3an, Poliziako GEO taldeko kideei Leganés udalerriko etxe batera sartzea agindu zieten atentatuaren arduradunak han ezkutatzen omen bait ziren. Terroristek bere buruaz beste egin zuten 20 kiloko lehergailuak eztandaraziz. Hedatze-uhinak GEO baten heriotza eragin zuen eta bera da M-11ko zerrenda luzea ixten duen 192. biktima.

Argazkiak

Audioa

Prentsa