Gallery

Deskribapena

Jaioterria: Madrid
Adina: 29
Seme-alabak: 0
Egoera zibila: Ezkonduta
Lanbidea: Telekomunikazio teknikaria
Atentatuaren data: 11/03/2004
Atentatuaren lekua: Madrid
Arma: Otros explosivos
Hiltzailea: Terrorismo Islamista

Deskribapena

Ana Isabel Gil haurdun zegoen eta edonori erakusten zion bere semearen hiru dimentsioko ekografia. Samuel izena ipini nahi zion. Aurretik, ume bat galdu zuen eta senarra eta bera oso pozik zeuden haurdunaldi honekin. 2004ko martxoaren 11ko goiz hartan, Ana Isabelek senarrari ezetz esan zion honek autoz joatea eskaini zionean. Torrejón de Ardozen Madrilera joateko trena hartu zuen. “Bostetan elkar ikusiko dugu”, esan zion senarrari. Atochako geltokian eztanda egin zuten bonben ondorioz hil zen.

2004ko martxoak 11 osteguna zen. Egun hartan, Madrilen, Al-Qaeda taldeko terroristek 13 lehergailu ipini zituzten Renfe konpainiaren Aldiriak zerbitzua eskaintzen zuten lau trenetan. 7.37tik 7.39ra bitartean, aukeratutako trenak Atocha, El Pozo del Tío Raimundo eta Santa Eugenia geltokietan eta Téllez kalean zeuden. Tarte horretan 13 lehergailuetatik 10-k eztanda egin zuten eta, guztira, 191 pertsona erail zituzten. Gutxi gora-behera beste 1.500 pertsona ere zaurituak suertatu ziren. Espainiako historiako atentaturik latzena izan zen. Egun batzuk geroago, 2004ko apirilak 3an, Poliziako GEO taldeko kideei Leganés udalerriko etxe batera sartzea agindu zieten atentatuaren arduradunak han ezkutatzen omen bait ziren. Terroristek bere buruaz beste egin zuten 20 kiloko lehergailuak eztandaraziz. Hedatze-uhinak GEO baten heriotza eragin zuen eta bera da M-11ko zerrenda luzea ixten duen 192. biktima.

Argazkiak

Audio

Prentsa