Deskribapena

Lanorduak amaitu eta gero, 1975ko irailaren 14an, Juan Ruiz Muñoz etxera zihoan Frente Revolucionario Antifascista y Patriota (FRAP) erakundeko bi kidek bizkarretik tiro egin ziotenean. Atentatua Bartzelonako Vía Favencia kalean gertatu zuen. Juan Ruiz Muñozek bere alabari txurroak eta patata frijituak erosten zizkion lanetik irteterakoan. Lekukoek La Vanguardiari esan ziotenaren arabera, terroristak ordu erdi egon ziren inguru hartan, beraz bazekizkiten agentearen ohitura hori.

Prentsa

Deskribapena

14.30etan, Adolfina Fernándezek eztanda bat entzun zuen. Virgen del Rosarion kolonian bizi zen, hirugarren solairu batean Leihotik begiratu eta bere senarra lurrean zegoela ikusi zuen. Antonio Pose Rodríguez, Guardia Zibileko tenientea, etxera zihoan bere lanaldia amaitu eta gero Trafikozko unitatean. Kotxea aparkatu eta jaitsi zenean, gazte batzuk hurbildu zitzaizkion eta eskopeta batekin tiro egin zioten. 12 urteko ume bat gertakarien lekuko izan zen. Polizia lurrean geratu zen, odolez beteta, erasotzaileek lurpeko pasabide batetik ihes egiten zuten bitartean. Ihesaldian FRAP erakundearen propaganda jaurti egin zuten. Antonio Pose Gómez Ulla ospitale militarrera eraman zuten baina han zendu zen.

Deskribapena

Espainiako Poliziako agentea zen Lucio Rodríguez. Madrilgo Alenza kalean zeuden Iberia konpainiaren bulegoetan zaintza lana egiten ari zen. Bere lanaldia 22.00etan amaitzen zen, baina 22.20ak ziren eta bere lankidea oraindik ez zen iritzi. Orduan, hiru pertsona zeramatzan Seat 127 bat agertu zen. FRAPeko kideak ziren. Autotik bi pertsona jaitsi ziren eta agentea tirokatu zuten. Guztira, zortzi balazo jaso zituen buruan, lepoan, sorbaldan eta sabelaldean. Terroristeh ihes egiten zuten bitartean, Lucio Rodríguez Cristóbal Bordiú kaleraino iritsi zen oinez, baina han zerraldo erori zen. Gurutze Gorriaren Ospitalean hil zen. 23 urte zituen eta Toledoko Villaluenga herrian jaio zen. Urte hartako irailean bere andregaiarekin ezkontzeko asmoa zeukan.

Deskribapena

Maiatzaren Lehena zela eta, Espainiako Alderdi Komunistak (PCE), CCOO sindikatuak, FRAP erakundeak (Frente Revolucionario Antifascista Patriota) eta klandestinoak ziren beste agente batzuek hainbat manifestaldi burutu zituzten Madrilen. Haietako bat Antón Martín enparantza inguruan egin zen arratsaldeko zortzirak aldera. Doctor Mata kalean, han bildutako batzuek Polizia Nazionaleko kideei enboskada bat prestatu zieten. Hasieran, poliziak probokatu zituzten orduan debekatuta zeuden bandera gorriekin eta zenbait oihuekin. Gero, Polizia oldartzeko prest zegoenean, sindikalistek ihes egin zuten eta ‘defentsa-pikete’ bat geratu zen. Mota hauetako taldeak armatuak zihoazen. Piketeko batek sastakaia sartu zion Juan Antonio Fernández Gutiérrez inspektoreari. Etxe batera sartu zen eta kide bati ondokoa esan zion: ‘Eman didate. Itotzen ari naiz’. Handik gutxira, agentea Francisco Franco ospitalean hil zen. Ezker hemitoraxean, bihotzetik hurbil, zauritu zuten. Haragi-etenak zituen ere. Beste bi polizia ere zauritu zituzten FRAPeko kideek, haiek onartu bait zuten ekintzaren autoretza.

Prentsa