Deskribapena

1990ko urriak 11an, goizaldean, Exército Guerrilheiro do Povo Galego Ceive (EGPGC) erakundeko bi gizon eta emakume bat Clangor diskoteka ezagunera sartu ziren. Donejakuen zegoen, hiriaren kanpoaldean. Lehergailu bat zeukaten eta harmaila baten ondoan ipini ziren, bozgorailu bat zegoen lekuan. 4.30ak aldera, musikak bozgorailuan eragiten zituen uhinek lehergailua eztandarazi zuten terroristek espero zutena baino lehenago.

Diskotekan 200 bat gazte zeuden, ikasleak hein handi batean. Eztandaren ondorioz, bi terrorista eta neska gazte bat hil ziren. María Mercedes Domínguez Rodríguez deitzen zen. Gutxienez, 49 pertsona gehiago zaurituta atera ziren, haietatik 5 zauri larriekin. Diskoteka suntsituta geratu zen. Egun horretan, Pontevedrako bost enpresetan atentatuak egon ziren, baina biktimarik gabe.

María Mercedes Domínguez Vigon jaio zen. Hiru anai-arreba zituen eta Donejakuera joan zen oporretan. Gurasoek zituzten bi dendetan laguntzaile moduan lan egiten zuen.

Prentsa

Deskribapena

1989ko otsailaren 2an, goizaldean, Irixoáko Guardia Zibilaren kasernan ohar bat jaso zuten, ustez, errepide-istripu bat egon zelako Monferretik hurbil, Coruñan. Benedicto García Ruzo eta Antonio Pérez Freire agenteak urgentziaz hara joan ziren. Exército Guerrilhero do Povo Galego Ceive taldeko komando baten amarru bat zen. 1.10ak aldera, agenteak iritsi, autotik jaitsi eta ustezko biktimara hurbildu ziren. Baina altxatu egin zen eta beste hiru terroristekin batera agenteak tirokatu zituen.

Benedicto Garcíak zazpi balazo jaso zituen eta berehala hil zen. Antonio larriki zaurituta atera zen. Erabili zuten pistola bat aurretik lapurtu zuten. Arma Coruñako Udaletxean lan egiten zuen zinpeko zaindari batena zen eta agentea bahitu zuten.

Benedicto García Ruzo ezkonduta zegoen, 9 urteko alaba zeukan eta etxe berri bat eraikitzen ari zen kasernaren etxebizitzetatik ateratzeko.

Prentsa