Deskribapena

1980ko abenduaren 30an, goizean, 7.00ak aldera, José Martín Sagardia Zaldúa bere etxetik irten zen lanera joateko. Biarritzen (Frantzia) bizi zen eta bere bikotekidearen Renault 12ra igo eta motorra abiarazi zuenean, lehergailu batek eztanda egin zuen. Hiru kilogramo Goma-2 zeraman eta autoa lehertarazi zuen. José Martín Sagardia berehala hil zen eta handik hurbil zeuden beste bi pertsona zaurituta atera ziren. Batallón Vasco Español ultraeskuineko erakunde terroristak bere gain hartu zuen hilketa.

José Martín Sagardia Zaldúak, ‘Usurbil’, Frantziara ihes egin zuen 1973an ETAko kidea zelako. Biarritzen bertan lan egiten hasi zen, altzari empresa batean. José Miguel Beñaran ‘Argala’ ordezkatu zuen ETA militarreko buruzagitzan.

Prentsa

Deskribapena

1980ko azaroaren 23an –igandea zen, arratsaldean-, Hendayais hotelaren taberna jendez gainezka zegoen. 19.00ak aldera, Renault 18 bat ailegatu zen Hendaiako hotel horretara. Batallón Vasco Español erakundeko hiru terrorista zihoazen. Haietako bat jaitsi eta metraileta batekin hurbildu zen hotelera. Armarekin, leihoa apurtu zuen eta handik tiro egin zuen. Balazoek José Camio eta Jean Pierre Haramendi hil zituzten. Espainiar eta frantziar naziotasuna zuten beste hamar pertsona zaurituta suertatu ziren. Ohikoa zen taberna hartan ETA eta ezker abertzaleko kideak egotea.

Jean Pierre Haramendi frantziarra zen eta 68 urte zituen. Pentsioduna zen eta kartetan jolasten ari zen José Camio eta beste lagun batzuekin.

Prentsa

Deskribapena

1980ko azaroaren 23an –igandea zen, arratsaldean-, Hendayais hotelaren taberna jendez gainezka zegoen. 19.00ak aldera, Renault 18 bat ailegatu zen Hendaiako hotel horretara. Batallón Vasco Español erakundeko hiru terrorista zihoazen. Haietako bat jaitsi eta metraileta batekin hurbildu zen hotelera. Armarekin, leihoa apurtu zuen eta handik tiro egin zuen. Balazoek José Camio eta Jean Pierre Haramendi hil zituzten. Espainiar eta frantziar naziotasuna zuten beste hamar pertsona zaurituta suertatu ziren. Ohikoa zen taberna hartan ETA eta ezker abertzaleko kideak egotea.

José Camiok espainiar jatorria zeukan baina naziotasun frantsesa lortu zuen. Kartetan jolasten ari zen Jean Pierre Haramendi eta beste lagun batzuekin. Langilea zen eta Frantziako Atzerritar Legioan parte hartu zuen.

Prentsa

Deskribapena

1979ko abuztuaren 2ko arratsaldean, Juan José Lopategui Carrasco, Ángel Iturbe Abásolo eta María Asiaín Echave Angeluko La Petite Chambre d’Amour hondartzara zihoazen. Aparkalekua bilatzen ari zirenean, Frantziako matrikula zeukan auto bat agertu eta abiadura moteldu zuen. Barruan Batallón Vasco Español erakundeko terroristak zihoazen eta lehiatilatik metraileta atera eta tiro egiten hasi ziren. Balazo batek Juan Lopateguiren burua zeharkatu zuen eta berehala hil zen. Beste biak zauritu zituzten.

Juan José Lopategui Carrascok, ‘Pantu’, Frantziara ihes egin zuen bost urte lehenago. Nahiz eta egoitza debekatuta izan, Ipar Euskal Herritik ETA militarra zuzentzen jarraitzen zuen. Biarritzen lan egiten zuen konponketa-tailer batean.

Prentsa

Deskribapena

1979ko ekainaren 25an, Enrique Gómez Álvarez eta bere lagunak afaltzera joan ziren ETAko buruzagi batek Baionan (Frantzian) zeukan jatetxe batera. 21.30ak aldera, handik irten zirenean, Peugeot 305 zuri bat agertu, abiadura moteldu eta gidariak helbide bati buruz galdetu zion. Gómez Álvarez erantzuteko hurbildu zen eta, bat-batean, autoan zihoazenek tiro egin zioten. Guztira, hamabi balazo jaso zituen. BVE erakundeak bere gain hartu zuen atentatua.

Enrique Gómez Álvarezek 30 urte zituen eta bost urte zeramatzan Frantzian. Emazteak eta berak Espainaitik ihes egin zuten ETArekin zeukaten harremana zela eta. 1975an, Frantziako Poliziak atxilotu zuen Pirinioetan ETAko komandoen irakaslea zelako.

Prentsa

Deskribapena

1978ko abenduaren 21aren goizeko 9.30ak aldera, ETA militarreko buruzagia zen José Miguel Beñarán Ordeñana (Argala) bere etxetik irten zen. Angelun (Frantzia) bizi zen. Laranja koloreko Renault 5 batean igo zen. Motorra abiaraztean, ezker aldeko aurreko gurpilean atxikita zegoen lehergailu batek eztanda egin zuen. José Miguel Beñarán eta autoa bera ere lehertu egin ziren. Biktimak, bost urte lehenago, Luis Carrero Blanco buruzagi frankista erail zuen komandoan parte hartu zuen. Berehala hil zen. Batallón Vasco Español (BVE) erakundeak bere gain hartu zuen atentatua egun horretan bertan.

Prentsa

Deskribapena

1980ko apirilaren 9an, goizeko 5ak inguruan, Batallón Vasco-Españolek Felipe Sagarna Ormazabal hil zuen Hernanin, hura bere etxeko atarirantz oinez zihoanean. Talde terrorista horretako kide batzuek bi tiro jo zizkioten Feliperi buruan, berbertatik. Felipe Herri Batasunaren jarraitzailea zen, eta tarte libreetan danbor jotzaile aritzen zenez oso pertsona ezaguna zen herrian.

Prentsa

Deskribapena

1979ko irailaren 28ko gauean, Tomas Alba Irazustak bakarrik afaldu zuen Astigarragako Koko sagardotegian, eta goizeko ordu bi eta erdietan baserritik irten zen, establezimenduko jabeetako batekin eta hirugarren pertsona batekin. Atean haiek agurturik, Tomas Alba eta beste bezeroa bere automobiletara joan ziren, etxera itzultzeko, jabeak sagardotegiko ateak ixten zituen bitartean.

Jatetxe jabea etxera igotzen ari zenean, bi detonazio lehor entzun zituen, eta jaitsi zelarik Tomas Alba aurkitu zuen, hiltzeko zauriak zituela, bere ibilgailutik lau metrora.

Hasiera batean zalantzak sortu ziren Albaren hilketaren egiletzaren inguruan, lehen unean Grupos Armados Españoles-ek eta geroxeago bere burua ETA militarreko bozeramaile aurkeztu zuen batek erreibindikatu zutelako, eta horrek ere bazuen egiantz puntu bat, zinegotzia eta Herri Batasuna aurrez aurre baitziren une hartan. Alabaina, ETA militarrak eta HBk ukatu egin zuten hori, eta azkenean atentatua Batallón Vasco Español-en Iturbide komandoari egotzi zioten.

Prentsa

Deskribapena

Luis Maria Elizondo Arrieta lagun baten ezkondu aurreko agurrera joan zen, beste lagun batekin batera. Afari batekin hasi zen hura, eta goizeko ordu txikiak arte luzatu zen. Orduan taldea desegiten hasi zen, eta Migel Maria Arbelaitz eta Luis Maria Elizondo elkarrekin joan ziren etxerantz. Hernaniko Balantxa aldapan behera zihoazela zenbait tiro jo zizkieten. Lurrean zeudela tiro gehiagoz errematatu zituzten.

Prentsa

Deskribapena

Francisco Javier Ansa Zinkunegik oinez egin zituen bere Antxisu baserritik Andoain-Hernani errepidera zeuden 200 metroak, eta errepide bazterrean gelditu zen, Kraft fabrikaren parean, lan egiten zuen eraikuntza elektromekanikoen Fierro lantegira joateko autobusa iritsi zain. Goizeko 8etarako minutu batzuk falta zirela, automobil bat gelditu zen Franciscoren parean; bertatik bi kaputxadun jaitsi eta bost tiro jo zizkioten pistolaz, buruan horietako bi, hilik utziz bertan.

Prentsa