Deskribapena

1978ko uztailaren 2an, gauean, Rosario Arregui Letamendik –Agurtzane Arregui izenarekin ezagutzen zuten- eta bere senarrak, Juan José Etxabek, euren taberna itxi zuten. Handik irten eta autoa hartzera joan ziren, etxera itzultzeko. 23.15ak aldera, Agurtzane Arreguik autoa ireki zuenean, bat-batean, beste automobil bat iritsi zen. Alianza Apostólica Anticomunista (AAA) taldeko terroristek bikotea tirokatu zuten. Arreguik, guztira, 16 balazo jaso zituen eta berehala hil zen. Juan José Etxabe larriki zaurituta atera zen.

Agurtzane Arregui dendaria zen ere. Bi seme-alaba zituzten. Senarra ETAko buruzagi ezaguna zen. Horren ondorioz, 1960ko hamarkadaren amaieran Ipar Euskal Herrira joan ziren.

Prentsa

Deskribapena

‘El Papus’ aldizkari satiriko bat zen eta bere leloa ‘Jaungoikorik ez, jaberik ez eta CNTrik ez’ zen. 1973an sortu zen eta ordutik ultraeskuineko hainbat taldeen mehatxuak jaso zituen. Azkenean, 1977an atentatu bat sufritu zuen. Irailaren 20an, bi terrorista Luminor eraikinera hurbildu –han zegoen aldizkaria- eta atezainari, Juan Peñalver Sandovali alegia, pakete bat utzi zioten. Paketea Xavier de Echarrirentzat zen, zuzendariatzat.

Goizeko 11.40etan, Juanek igogailua hartu zuen lehenengo solairura joateko. Han, ‘El Papus’ aldizkariarekin batera beste bi zeuden, ‘Party’ eta ‘El Cuervo’, hirurak Amaika argitaletxearenak. Paketeak hartzaileari ailegatu baino lehen eztanda egin zuen eta Juan Peñalver berehala hil zen. Hedatze-uhinak hamar bat pertsona zauritu zituen ere, haietako batzuk kalean zebiltzatenak, eraikinetik kanpo.

Zauritu larrien artean bi emakume zeuden, Rosa Lorés, Amaika argitaletxeko idazkaria, eta Rosa García Lanciano, Juan Peñalverren emaztea.

Alianza Apostólica Anticomunistak (AAA) bere gain hartu zuen atentatua. AAA ultraeskuineko talde bat zen eta ‘La Vanguardia’, ‘El Diario de Barcelona’ eta ‘Mundo Diario’ egunkarietara deitu zuen gertatutakoaren berri emateko. Gainera, agiri bat argitaratu zuen ere. AAAko terroristek azaldu zuten Peñalverren heriotza ez zela gertatu behar izan, bonba “Echarri jaunari eta bere taldeari” zuzendu bait zieten.‘El Papus’ aldizkari satiriko bat zen eta bere leloa ‘Jaungoikorik ez, jaberik ez eta CNTrik ez’ zen. 1973an sortu zen eta ordutik ultraeskuineko hainbat taldeen mehatxuak jaso zituen. Azkenean, 1977an atentatu bat sufritu zuen. Irailaren 20an, bi terrorista Luminor eraikinera hurbildu –han zegoen aldizkaria- eta atezainari, Juan Peñalver Sandovali alegia, pakete bat utzi zioten. Paketea Xavier de Echarrirentzat zen, zuzendariatzat.

Goizeko 11.40etan, Juanek igogailua hartu zuen lehenengo solairura joateko. Han, ‘El Papus’ aldizkariarekin batera beste bi zeuden, ‘Party’ eta ‘El Cuervo’, hirurak Amaika argitaletxearenak. Paketeak hartzaileari ailegatu baino lehen eztanda egin zuen eta Juan Peñalver berehala hil zen. Hedatze-uhinak hamar bat pertsona zauritu zituen ere, haietako batzuk kalean zebiltzatenak, eraikinetik kanpo.

Zauritu larrien artean bi emakume zeuden, Rosa Lorés, Amaika argitaletxeko idazkaria, eta Rosa García Lanciano, Juan Peñalverren emaztea.

Alianza Apostólica Anticomunistak (AAA) bere gain hartu zuen atentatua. AAA ultraeskuineko talde bat zen eta ‘La Vanguardia’, ‘El Diario de Barcelona’ eta ‘Mundo Diario’ egunkarietara deitu zuen gertatutakoaren berri emateko. Gainera, agiri bat argitaratu zuen ere. AAAko terroristek azaldu zuten Peñalverren heriotza ez zela gertatu behar izan, bonba “Echarri jaunari eta bere taldeari” zuzendu bait zieten.

Argazkiak

Prentsa

Deskribapena

José Ramón Ansa Etxebarria goizaldean bahitu zuten, lagun batzuekin Andoaingo (Gipuzkoa) festetan egon ondoren etxera oinez zihoala. Gero hilik agertu zen, Andoain eta Urnieta arteko errepideko areka batean, kopetan bala-zauria zuela.

Triple A-k erreibindikatu zuen hilketa, hura ETAko kidea zelako akusazioarekin; familiak ukatu egin zuen. Handik urte batzuetara Ignacio Iturbide eta Ladislao Zabala zigortu zituzten Ansaren hilketagatik; Iturbide eta Zabala bi ultra ziren, eta Donostiako eskualdean abertzaleen ustezko jarraitzaileen kontra atentatzen zuen Batallón Vasco Español-eko komando bat osatzen zuten.

Prentsa

Deskribapena

David Salvador Bernardo tiroz hil zuten Andoaingo Renfeko geltokitik hurbil. Haren taxia hilketaren biharamunean aurkitu zuten, iristeko leku zail batean, eta barruan 9 milimetroko kalibreko sei bala-zorro sakabanatuta. Tiroak, batek ia-ia lokian bertan jo zuen, atzeko eserlekutik egin zizkioten.

Prentsa

Deskribapena

Antonio Contreras Gabarri, 11 urtekoa, eta haren arreba Maria, 17 urtekoa, biak ijito etniakoak, 1980ko uztailaren 23an hil ziren, 21:30 inguruan, Bilbon, bi eta hiru kilo arteko goma-2 lehergailu batek haurtzaindegi batetik gertu eztanda egin ondoren. Bonbak bete-betean harrapatu zituen. Maria bederatzi hilabeteko haurdun zegoen eta, leherketaren indarraren ondorioz, fetua amaren gorputzetik askatu eta berehala hil ziren biak. Anastasio Leal Terradillos ere larri zaurituta geratu zen, eta handik ordu batzuetara hil zen.

Atentatua Triple A taldeak erreibindikatu zuen, esanez Herri Batasunako zinegotzi baten jabetzako haurtzaindegi batean kalte materialak eragin nahi zituela.

Prentsa

Deskribapena

Anastasio Leal Terradillos larri zauritu zen, kalean haurtzaindegi baten ondoan bonba batek eztanda egin ondoren txiki-txiki egindako kristalera bat gainera erori zitzaionean. Handik ordu batzuetara hil zen Gurutzetako Ospitalean, ebakuntza egin ondoren.

Anastasio Lealen lankideek 24 orduko lanuztea egin zuten haren hilketa salatzeko, eta horrenbestez egun oso batean zehar ez zen zaborrik jaso Bilbon.

Prentsa

Deskribapena

Maria Contreras Gabarri, 17 urtekoa, eta haren anaia Antonio, 11 urtekoa, biak ijito etniakoak, 1980ko uztailaren 23an hil ziren, 21:30 inguruan, Bilbon, bi-hiru kilo goma-2 zeuzkan lehergailu batek haurtzaindegi batetik gertu eztanda egin ondoren. Bonbak bete-betean harrapatu zituen. Maria bederatzi hilabeteko haurdun zegoen eta, leherketaren indarraren ondorioz, fetua amaren gorputzetik askatu eta berehala hil ziren biak. Anastasio Leal Terradillos ere larri zaurituta geratu zen, eta handik ordu batzuetara hil zen.

Atentatua Triple A taldeak erreibindikatu zuen, esanez Herri Batasunako zinegotzi baten jabetzako haurtzaindegi batean kalte materialak eragin nahi zituela.

Prentsa